13.09.2026
13 қыркүйекте сағат 02:00 мен 03:00 аралығында Өскемен ГЭС 1952 жылы алғашқы гидроагрегат іске қосылғаннан бері 110 млрд кВт·сағ электр энергиясын өндіру межесіне жетті.
Бұл көрсеткіштің артында энергетиктердің бірнеше буыны мен еңбек әулеттерінің еңбегі, ал бүгінде станцияда жұмыс істейтін 150-ден астам қызметкердің үлесі бар. Гидроагрегаттарды уақтылы жөндеу мен жаңғырту. Жабдықтардың күн сайынғы сенімді жұмысы.
Ең бастысы — өңірді электр энергиясымен қамтамасыз ету. Бұл — кәсіпорындар, ауруханалар, мектептер мен тұрғын үйлер, сондай-ақ Үлбі металлургия зауыты, Өскемен титан-магний комбинаты сияқты ірі өндіріс орындары және басқа да тұтынушылар.
110 млрд кВт·сағ — бұл 74 жылдық энергия, еңбек пен жауапкершілік. Есеп жалғасуда!