19.03.2021
Қазан айында «АЭС Өскемен ГЭС» ЖШС су шаруашылығы құрылыстарын жыл сайынғы техникалық тексеру аяқталды. Комиссияда станция қызметкерлерінен басқа, «Казгидро» ЖШС, Өскемен қаласының ТЖ басқармасы, Ертіс бассейндік инспекциясы, «ШҚО энергетика ардагерлері» қоғамдық бірлестігі, ШҚО бойынша экология департаменті, ШҚО энергетика және ТКШ басқармасының өкілдері болды.
ГЭС құрылыстарын тексеру барлық құрылыстардың техникалық жай-күйі техникалық жарамды жай-күйде екенін, Пайдалану қағидаларына сәйкес штаттық режимде пайдаланылатынын көрсетті. 2019 жылы жүргізілген өткен тексеру кезеңінде станцияларда қандай да бір штаттан тыс төтенше жағдайлар болған жоқ. 2020 жылғы су тасқыны кезеңі тұрақты өтті, бөгеттің негізгі су өткізу құрылыстары мен СЭС штаттық режимде жұмыс істеді.
Бөгеттің тұстамасындағы және іргелес аумақтардағы өзендегі экологиялық жағдай жақсы жағдайда, су қорғау аймағының жағалау желісі қанағаттанарлық жағдайда ұсталады. Жүргізілетін жөндеу жұмыстары Ертіс өзеніндегі қоршаған ортаға және суға әсер етпейді. 2019 жылы қарау кезінде ұсынылған жоспарланған жөндеу жұмыстары іске асырылу сатысында. Тексеру ГЭС-те күнделікті ағымдағы жұмыстарды жүргізу кезінде қауіпсіздік техникасы қағидаларының қатаң сақталатынын көрсетті.
Жүргізілген тексерулердің нәтижелері негізінде комиссиялар Өскемен су торабының гидротехникалық құрылыстары жұмысқа қабілетті және сенімді жағдайда деген қорытынды жасады.