16.07.2026
15 шілде күні Өскемен гидроэлектр станциясына Қазақстан Республикасы Энергетика министрлігі Электр энергетикасын дамыту департаменті директорының орынбасары Мұрат Әбілқалықов, ШҚО Энергетика және ЖКХ басқармасы басшысының орынбасары Самат Даиров пен Энергетика және энергия үнемдеу бөлімінің басшысы Досжан Ағыбаев келді. Делегацияны бас директордың бірінші орынбасары Асхат Арғынбай бастап жүрді.
Қонақтар машина залын, бас басқару қалқанын және бөгетті аралап, №4 гидроагрегатты жаңғырту жұмыстарының барысымен танысты. Станцияның қызметі, негізгі жобалары мен даму перспективалары туралы Жобалар және перспективалық даму бөлімінің бастығы Виктор Геращенко баяндады.
Сапар барысында жабдықтардың жұмысы, гидроэлектр станциясын пайдаланудың заманауи тәсілдері, бейнебақылау жүйесінде жасанды интеллектті қолдану және гидроэнергетиканы дамытудағы өзекті мәселелер талқыланды.
Сапар соңында қатысушылар сала дамуының перспективаларын, гидроэлектр станцияларының қазіргі міндеттерін және Өскемен гидроэлектр станциясын одан әрі жаңғырту мәселелерін талқылады.