20.03.2026
Наурыз мерекесі қарсаңында станция қызметкерлері бірігіп, дәл қазір қолдауды қажет ететін жандарға көмек көрсету үшін бас қосты. Қаражат жинап, қиын өмірлік жағдайға тап болған отбасыларға қолдау көрсететін «Жанұя» орталығына азық-түлік пен гигиена құралдарын сатып алды.
Өскемен су электр станциясы ұжымының көмегін бас директордың бірінші орынбасарының міндетін атқарушы жеткізді. Ол орталыққа барып, қызметкерлерімен жүздесіп, жиналған азық-түлік пен гигиена құралдарын жеке өзі табыстады.
Орталық қызметкерлеріне арнап сөйлеген сөзінде Асхат Арғынбай:
«Бұл біз үшін бір реттік акция емес: біз орталықты алғаш рет қолдап отырған жоқпыз. Мұндай күндері оның мәні ерекше сезіледі: Наурыз әрдайым жаңару, мейірім және бір-біріне көңіл бөлудің мерекесі болған. Сіздер үлкен іс атқарып жүрсіздер — адамдарға көмектесесіздер. Жақсылық жасайтын жандар көбейіп, көмекке мұқтаждар азайсын. Әр үйде жылулық болсын: көктеммен бірге келетін жылулық та, өзіміз сыйлайтын жылулық та», — деді.