16.02.2024
Өскемен ГЭС қызметкерлері қайырымдылық акциясын ұйымдастырды: қолма-қол ақшаға Абай облысы Көкпекті ауданының арнаулы әлеуметтік қызметтер орталығына баратын балаларға арналған жабдықтар мен кеңсе тауарларын сатып алды. Даму ерекшеліктері бар балалар үшін проектор, құммен сурет салуға арналған жарықтандырылған үстел және кеңсе тауарлары сатып алынды. Жас маман, ЭТЗ қызметкері - Қыдырбаева Назия және GR және PR бойынша бас менеджер-Нищенко Светлана Өскеменнен екі жүз шақырым жерде орналасқан Көкпекті ауылына барып, сыйлықтарды табыс етті. Тәрбиеші Идришева Аяулым Балтабекқызы мен психолог Ринат Ерталепұлы Найзабаев сыйлықтар үшін алғыс сөздерін айтты, ал орталық директоры Райхангүл Қапезқызы Баймолдина ГЭС өкілдеріне гидроэлектростанцияның барлық қызметкерлеріне алғыс хат табыс етті, ол хатта тәрбиешілер мен балалардың ата-аналары атынан барлығына көмек үшін алғыс білдіріп қана қоймай, жақсылық пен денсаулық тіледі! Қайырымдылық акциялары бизнестің әлеуметтік жауапкершілігінің маңызды бөлігі болып табылады. Олар қолайлы әлеуметтік ортаны құруға, мұқтаждарды қолдауға және қоғамдағы қайырымдылықты дамытуға көмектеседі. Мұндай іс-шаралар тек оларға бағытталған адамдарға ғана емес, сонымен бірге көмек көрсететіндерге де пайдалы, өйткені біз бәріміз сәл мейірімді боламыз...