Өскемен гидроэлектр станциясы өңірдің дамуын өзінің қызметі мен әлеуметтік жауапкершілігінің ажырамас бөлігі ретінде қарастырады. Біз халықтың өмір сүру сапасын арттыруға, адами әлеуетті дамытуға, білім беру, спорт, мәдениет және экологиялық бастамаларды қолдауға, сондай-ақ өмір сүру мен еңбек етуге қолайлы орта қалыптастыруға өз үлесімізді қосуға ұмтыламыз.
Жергілікті қауымдастықтармен өзара іс-қимыл жасау жұмысы «Самұрық-Энерго» АҚ компаниялар тобының Жергілікті қауымдастықтармен өзара іс-қимыл жөніндегі саясатына және жыл сайынғы Жергілікті қауымдастықтарды қолдау және дамыту бағдарламасына сәйкес жүзеге асырылады.
Бағдарламаны іске асыру аясында Өскемен гидроэлектр станциясы келесі бағыттар бойынша жобаларды қолдайды:
- өңірдің өндірістік және әлеуметтік инфрақұрылымын дамыту;
- энергетика саласының болашақ мамандарын кәсіптік бағдарлау және даярлауға жәрдемдесу;
- білім беру, мәдени және спорттық бастамаларды қолдау;
- табиғи ресурстарды сақтауға және халықтың экологиялық мәдениетін арттыруға бағытталған экологиялық жобаларды іске асыру;
- қайырымдылық және волонтерлік бағдарламаларды дамыту;
- қызметкерлер үшін қауіпсіз әрі қолайлы еңбек жағдайларын жасау;
- халықтың әлеуметтік осал топтарына көмек көрсетуге бағытталған әлеуметтік жобаларды қолдау.
Жыл сайын станция қызметкерлері экологиялық акцияларға, қайырымдылық іс-шараларына, балалар мекемелерін қолдау бағдарламаларына, мектеп оқушылары мен студенттерге арналған білім беру жобаларына, сондай-ақ қауіпсіздік мәдениеті мен салауатты өмір салтын дамытуға бағытталған бастамаларға қатысады.
Жастармен өзара іс-қимылға, инженерлік және энергетикалық мамандықтарды насихаттауға, өңірдің білім беру ұйымдарымен серіктестікті дамытуға және Шығыс Қазақстан облысының тұрақты дамуына ықпал ететін бастамаларды қолдауға ерекше көңіл бөлінеді.
Өскемен гидроэлектр станциясы жергілікті қауымдастықпен және барлық мүдделі тараптармен ашық диалог жүргізуге дайын. Ұсыныстар мен өтініштер әлеуметтік қолдау бағдарламаларын қалыптастыру және өңірдің ұзақ мерзімді әл-ауқатын қамтамасыз етуге бағытталған жобаларды дамыту кезінде ескеріледі.